Boere benodig implemente wat nét so hard en lank as húlle kan werk. Om ʼn volhoubare onderneming in die landbousektor te bedryf, is gereelde instandhouding van jou toerusting uiters belangrik. Omdat landboutoerusting meestal vir lang ure aaneen onder taai omstandighede moet werk, is die regte smeermiddels noodsaaklik om die lewensduur van jou enjins, asse en transmissie-onderdele te verhoog en jou boerdery produktief en gevolglik winsgewend te hou.

Die rol van smeermiddels in enjinbeskerming

Doeltreffende smeermiddels beskerm enjins teen roes, aanpakking, slytasie van onderdele, en voortydige veroudering van enjinolie. Wat roeswering betref is hoë-gehalte smeermiddels, soos dié wat Lubrication Engineers (LE) South Africa bied, nodig om die gasse en sure wat as deel van die enjin-ontbrandingsproses vervaardig word, te neutraliseer. Aktiewe teenwerking van hierdie gasse en sure help dan ook dat die enjinolie nie verouder nie.

Vuilis wat binne die enjin aanpak weens suierafsettings of slykolie, kan die doeltreffendheid van jou masjinerie verlaag en brandstofkoste verhoog, veral wanneer dit vir lang tydperke aaneen gebruik word. ʼn Hoë-gehalte smeermiddel sal die droesem verwyder en help om die enjin skoon te hou.

Die Monolec®-verskil

LE se Monolec® slytasiewerende bymiddel skep ʼn enkel-molekulêre olielaag op metaaloppervlaktes, wat die sterkte van die oliefilm aansienlik verhoog sonder om die spasies tussen onderdele te beïnvloed. Dit laat opponerende oppervlaktes toe om sonder wrywing by mekaar verby te gly en verminder hitte en slytasie aansienlik. Monolec® 8700 is ontwerp om enjins tot op 50 000km te laat loop voor nuwe olie nodig is, terwyl Monolec® Ultra 8800 enjins nóg verder neem tot op 100 000km.

Dit is baie aanloklik om bedryfskoste laag te probeer hou deur goedkoper produkte te gebruik, maar die langtermynrisiko’s is groot. Hoewel jou enjin nie onmiddellik onklaar gaan raak, of jou toerusting dadelik sal begin breek nie, kan minderwaardige smeermiddels mettertyd geweldige onderhoudskoste tot gevolg hê.

“Die regte smeermiddel beskerm jou toerusting onder alle omstandighede, selfs wanneer daar teen maksimum volume gewerk word. Die bekamping van slytasie, afsaksels en verroesting help om jou masjinerie in top kondisie te hou en verminder die risiko van onbeplande staantydkoste,” sê Callum Ford, nasionale bemarkingsbestuurder by LE.

Die antwoord vir gladde funksionering

Wanneer jy smeermiddels toedien aan asse, transmissies, oliebedekte (of nat) remme en hidroliese stelsels met ʼn gehalteproduk, sal jou trekkers, ploeë en stropers vir nog baie lank seepglad loop. Die korrekte smeermiddel help nie net om jou remme glad te hou nie, maar verleng ook die lewensduur van die olie en beskerm die enjin teen slytasie.

LE se Almatek® 1233 smeermiddel vir algemene gebruik, is ontwerp om skokbelading, uitspuiting en wateruitwassing teen te werk in wrywings- en anti-wrywingslaers, onderstelpunte en ander gesmeerde toepassings. Hierdie veelsydige, taai ghries is spesiaal geformuleer om uitstekende beskerming en verlengde lewensduur te verseker. Almagard® 3752 ‘Vari-Purpose’-smeermiddel word vir meer uitermatige toestande aanbeveel. Dit is buitengewoon klewerig en sal selfs onder uiterste toestande nie afwas, uitklop of smelt nie. Dit is ideaal vir landboutoerusting wat vir hoë-impakdoeleindes op die pad of in die veld gebruik word.

Laer onderhoud, hoër produksie

Ford meen die betroubaarheid en doeltreffendheid van enige stuk landboutoerusting hang af van hoe goed ʼn smeermiddel binne die transmissie werk. ʼn Betroubare produk maak onderhoudsbeplanning makliker en beskerm jou toerusting vir langer. Dit beteken weer hoër produktiwiteit en laer kostes oor die lang termyn.

“Landbouprodusente moet met ʼn smeermiddelverskaffer saamwerk om die beste oplossings vir hul toerusting te vind en ‘n geskikte onderhoudskedule vir die af seisoen op te stel. LE se konsultante kan kliënte help om hulle smeermiddels reg te hanteer en stoor, dit reg toe te dien, en seker te maak dat die smeermiddel gepas vir die tipe toerusting en behoorlik funksioneer. Hulle kan ook help om seker te maak die regte hoeveelheid telkens aangewend word,” sê Ford.

Lubrication Engineers

Lubrication Engineers (LE) South Africa verteenwoordig die LE-handelsmerk in Suid-Afrika, Botswana, Namibië, Mosambiek, Zimbabwe en Zambië. LE behou regte op die Suid-Afrikaanse mark vir die LE-handelsmerk, wêreldwyd erken as ʼn spesialis in smeermiddels.

Deur LE Ingelyf, is LE South Africa ʼn lid van die internasionale netwerk van ondernemings wat strek oor Europa, Suid-Amerika, Asië en Afrika, terwyl LE Ingelyf in Noord-Amerika werksaam is en Kanada, Mexiko en die VSA bedien.

LE bied hoë-werking, topgehalte swaardiens-smeermiddels vir elke industrie en toepassing, tesame met kundige, tegniese ondersteuning.

Vir meer inligting, kontak Callum Ford by 011 464 1735, stuur ʼn epos na callum@lubricationengineers.co.za, of besoek www.lubricationengineers.co.za.