Die Landbounavorsingsraad het onlangs ‘n studie oor verwoestyning en droogte gedoen. Dr Piet Nel deel eerskomende Vrydagmiddag op Landbou-neutedop ‘n paar van hulle bevindinge met ons. Dan praat dr Charlie Reinhardt oor die demoina-bossie, ‘n indringerplant wat groei waar niks anders wortel skiet nie. En Pieter van der Merwe, ‘n prokureur van George, verduidelik die voordele van lidmaatskap van ‘n brandbestrydingsvereniging.
