Suksesvolle boere vermoei hulle nie net met die bestuur van gewasse of vee nie; hulle hou ook ’n vinger op die pols van die daaglikse onderhoudsbehoeftes van hul landboutoerusting. Dit kan wissel van grootskaalse masjinerie soos trekkers en stropers, tot plaasvoertuie en kleiner implemente, soos bakkies, vragmotors, sleepwaens en grassnyers.

To read the English version, click here.

“Ons verstaan dat boere elke rand moet rek, hul toerusting moet beskerm en hul ondernemings aan die gang moet hou. Daarom ontwikkel ons waardepakkette wat gemik is op landboutoepassings,” sê Callum Ford, nasionale bemarkingsbestuurder by Lubrication Engineers (LE) South Africa. “Die regte smeer op die regte tyd en dosis, kan boere help om staantyd te verminder en hul toerusting optimaal te laat werk.”

Smeermiddels vir elke landboutoepassing

Om aan die vereistes van bakkies en klein vragmotors in die landbousektor te voldoen, lewer LE South Africa nou sy Monolec®-enjinolies in houers van 5ℓ en 1ℓ, wat hulle toegankliker maak vir die plaaslike mark. Die maatskappy werk ook saam met boere om te verseker dat hulle die beste smeermiddel vir elke toepassing het, of dit nou ’n ratkas, ewenaar of transmissie is.

“Van trekkers tot balers, vragmotors, lugkompressors, vakuumpompe of ander landboumasjinerie – ons help boere om ’n omvattende, betroubare smeerprogram op te stel en beste praktyke te deel wat toerusting sal beskerm, produksie verhoog en tyd en geld bespaar,” sê Ford.

Langdurend en doeltreffend

LE South Africa bied hoë-werking, topgehalte swaardiens-smeermiddels vir elke bedryf en toepassing, tesame met kundige, tegniese ondersteuning.

Vir bakkies, vragmotors en mobiele toerusting beveel hy Monolec® Engine Oil 8700 of 8800 aan. Hierdie produkte is ontwerp om verhoogde brandstofdoeltreffendheid, betroubare werkverrigting en slytasiebeskerming te bied. Monolec® 8800 bied ook ’n uitgebreide dreineringsdiens vir dieselenjins op pad- en veldgebruik, insluitend stilstaande enjins. Ford sê 8700 is ontwerp om 50 000km lank te hou voor die olie vervang moet word, terwyl 8800 ’n ongelooflike 100 000km sal hou.

“Wat ewenaars en transmissie betref, stel ons Monolec® Gear Lubricant 703 of 704 voor. Dit voldoen aan die vereistes van alle soorte ewenaars (insluitende beperkte glip-ewenaars) en transmissies, sowel as die meeste industriële geslote ratkaste,” sê Ford. “Dit is geformuleer om die regte balans tussen drakrag, filmsterkte en gladheid te bewerkstellig en sal landboumasjinerie teen maksimale doeltreffendheid laat werk.”

LE South Africa bied ook ‘n omvattende reeks landbousmeermiddels, roes- en oksidasie-bymiddels en voedselgehalte-smeermiddels vir verwerkingsaanlegte aan.

 “Boere is van die hardwerkendste mense wat ons mee te doen kry, en daarom moet ons smeermiddels verskaf wat nét so hard vir hulle sal werk,” sluit Ford af.

Lubrication Engineers (LE) South Africa verteenwoordig die LE-handelsmerk in Suid-Afrika, Botswana, Namibië, Mosambiek, Zimbabwe en Zambië. LE behou regte op die Suid-Afrikaanse mark vir die LE-handelsmerk wat wêreldwyd erken word as ’n spesialis in smeermiddels.

Deur LE Ingelyf, is LE South Africa lid van ’n internasionale netwerk van ondernemings wat strek oor Europa, Suid-Amerika, Asië en Afrika, terwyl LE Ingelyf in Noord-Amerika werksaam is en Kanada, Mexiko en die VSA bedien.

LE bied hoë-werking, topgehalte swaardiens-smeermiddels vir elke bedryf en toepassing, tesame met kundige, tegniese ondersteuning. – Lubrication Engineers South Africa

Vir meer inligting, kontak Callum Ford, nasionale bemarkingsbestuurder, by 011 464 1735 of [email protected], of besoek www.lubricationengineers.co.za.